Lua Neghra convidoume e non podo, nin quero dicir que non, e aínda que xa non compartimos certas fatigas, si que podemos compartir sentimentos, e iso sempre é gratificante… Ela propón unha listaxe de músicas, letras ou imaxes que nos emocionen ata as bágoas, a libre elección, pois a ver o que sae de aquí…

1. Música: xa que o convite sae dun post que se chama Días de abril, no que fai homenaxe á Revolución dos Cravos – e tendo en conta que as dúas temos sange ferrolá, e polo tanto levamos o cantar no sangue – hei de dicir, aínda que soe a topicazo que non podo escoitar sen que asome unha bágoa – ou dúas – Grândola, desde nena me emociono ao escoitar esa canción…Incluso cando non sabía moi ben todo o que significaba. As voces poderosas e cargadas de emoción, como nesta canción, non precisan de explicación.

2. Máis música: Alfonsina y el mar. Case non me lembraba… Hai poucos días nunha celebración entre amigos, un deles músico, tras facernos escachar coa risa cantando algunhas de Les Luthiers comezou a rolda de compracementos: bossa para Ana, que canta como os anxos e despois Alfonsina…Había tempo que non a cantaba e tamén que non lembraba como me emocionaba con ela…Nada, que vivo afogada pola música pop, que lle queres!!!!

3. Películas: Chorei con milleiros delas, pero agora me vén á mente, por influencia tamén do comentario á canción de The Kids, que fai Lua Neghra: A decisión de Sophie, cando ela ten que elexir, ante a petición dun soldado alemán entre a vida da súa filla e a do seu fillo…Tamén en De ratos e homes cando George vese na obriga de pegarlle un tiro ao seu compañeiro antes de que unha moitedume de xente se achegue para linchalo… E por supostísimo esta, sempre…

4. Imaxe: Pois serían innumerábeis, pero por exemplo esta que vin hoxe paseando por aquí, as imaxes de nenos padecendo a guerra, ou a fame…Aínda que non sei se saen bágoas, ou berros da gorxa ante tanta estupidez humana….

5. Letras: Isto é o menos doado…As imaxes e as músicas me chegan á mente con máis facilidade…Houbo moitos, e busco na mente e xorden pasaxes de A vella serea, Ensaio sobre a cegueira, as traxedias da Triloxía Tebana de Sófocles, pero agora cheogume á mente este: Recuerdos de la resistencia. Querería poñer algun párrafo, máis coñedes a frase “Libro prestado, libro perdido ou estropeado”, pois neste caso foi así…En calquera caso, son as historias de mulleres protagonistas da Guerra Civil, desde as máis recoñecidas, como Federica Montseny ou Dolores Ibarruri, e incluso Rosario La Dinamitera, ás máis anónimas que morreron nos cárceres ou loitaron de todos os xeitos que puideron no frente e tras el…

Non encomendo a ninguén máis esta petición porque a miña xa foi respostada con moito retraso, e xa hai outras novas circulando pola rede, en calquera caso, aí queda esta.

7 Responses to “Morriñenta”

  1. torredebabel Says:

    canta sensibilidade, canta emoción, canta humanidade… es, Jan, unha desas persoas que a vida nos agasalla.

  2. O Breogán Says:

    Perdoa Torre: que a vida ME agasallou… MUAAAA-HA-HA-HA!!!
    Miña Jan, lembra sempre que “I’ve seen things you people wouldn’t believe. Attack ships on fire off the shoulder of Orion. I watched C-beams glitter in the dark near the Tanhauser Gate. All those… moments will be lost in time, like tears… in rain. Time to die.” (e si é polo Cantón, millor)

  3. O Breogán Says:

    As cores sáenme por todos os lados!

    Grazas Torre polas túas palabras e agarimo na distancia, sempre!!!

    Grazas Breogán, polas túas palabras e agarimo ao meu carón, sempre!!!

    Moitos bicos para os dous!!!

  4. Jan Says:

    Obviamente o anterior era meu…(ji,ji)

  5. axidafedkt Says:

    celebrity free sex story

  6. belgrgzmjg Says:

    [url=http://womandsmteeny.tripod.com/tvrfe/same-sex-marriage-canada.htm]same sex marriage canada[/url]

  7. gbcxufwned Says:

    full naked body shots of celebs