O entroido pasou hai ben tempo e a Semana Santa está agardando en calquera recanto. As beirarrúas encheranse da cera dos lumes consumidos que permancerán durante semanas, e os devotos vestirán unhas roupas ben diferentes das do entroido…Para todos os gustos ten que haber.

A Semana Santa chega xusto despois dunha significativa data…o 15 de marzo, no que liberareime dunhas oposicións, para meterme noutras, esta vez para funcionaria xunteira de bibliotecas. Unha carreiriña de fondo que hai que tomar a modo, xa que neste sector son procesos bastante longos.

Estas semanas están sendo bastante calmas, da casa ao chollo, do chollo a casa, da casa á biblioteca e pouco máis. Afortunadamente xa non volvo a Academia, xa conto con todo o temario e o ambiente das oposicións resúltame…non sei como explicalo….alleo.

Nos interludios de lecer conseguín ir algo ao cinema, a ver No country for old men e o último traballo de dos meu ídolos – se é que teño diso – : Sweeney Todd: The Demon Barber of Fleet Street.

Da primeira que dicir, que malia gustarme moito Bardem – sempre me gustou – o filme deixoume totalmente indiferente. Bardem tenme gostado máis noutros filmes, sen ir máis lonxe no que lle proporcionou a súa anterior candidatura aos Oscar – Before night falls – e dos Coen me parecen incomparablemente máis boas Miller’s Crossing (Morte entre as flores) ou a divertidísima The Big Lebowski.

Sweeney Todd…Xenial!!!! Tim Burton e Johnny Depp, unha das mesturas máis orixinais e creativas do cinema actual. Non seái por que me atraen tanto estes dous individuos, pero teño debilidade por eles, e sei que calquera cousa que fagan xuntos será diferente, como estar nunha realidade paralela -aínda que sexa terrorífica-, síntome arrodeada totalmente polo seu espírito…e non quero sair de aí. Agora mesmo, mentres escribo estas palabras vivo nun pesadelo Elfmaniano…

Pois iso, que Sweeney Todd pareceume fabulosa, como unha peli da Hammer. Sempre lembrarei aquel ciclo que botaran na 2 de TVE cando eu tiña 15 anos…A cor do sangue é igual que a deses filmes – un vermello que fire os ollos – , as maquillaxes, a sobreactuación dos actores, o desasosego… e Johnny Depp cantando, demostrando que é capaz de facer o que lle boten. Tamén están espectaculares Alan Rickman e Timothy Spall, o Peter Petegrew de Harry Potter.

Na próxima visita que fagamos a Londres, xa teremos un sitio máis que visitar: Fleet Street!

A piques está de rematar o día no que fixen 35 anos…teño que soprar as candeas para decir que xa pasaron por min!!!!!

16 Responses to “Fobias, filias e un ano máis”

  1. ghanito Says:

    parabens!

  2. Marinha de Allegue Says:

    P A R A B E N S!!!

    Unha aperta.
    🙂

  3. paideleo Says:

    35 anos ?. Ti achantaches algúns deses anos porque non os aparentas.
    En canto ás películas, non creo que mire a de Javier Bardem que non me chama. A outra si que me gustan as películas de Johnny Depp.
    Eu pasei unha vez por Fleet St. e non me chamou muito a atención; supoño que tería que abrir máis os ollos.
    Un saúdo.

  4. Jan Says:

    Grazas aos tres polos desexos, e moitas grazas Paideleo por facerme máis nova, je, je…A estas alturas xa comeza a facer ilusión….

  5. peke Says:

    Con moito atraso, pero felicidades!

  6. torredebabel Says:

    chego tarde, pero desta vez non son os 12.000 quilómetros senon o moito traballo que non me deixa tempo para os amigos. P A R A B E N S!!! agora temos a mesma idade so que ti -como di paideleo- es mais nova 😉

  7. X Says:

    Parabéns aínda con máis demora que os demais e espero que neste día chuvioso a sorte a acompañe.

  8. jan Says:

    Moitas grazas a todos e todas polos vosos bos desexos!
    Apretas

  9. emereci Says:

    Aínda máis tarde, aínda máis parabéns. Estou co pai do Leo pequeno en que non os aparenta.
    Bicos
    Que tal foron esas opos?

  10. jan Says:

    Boas Emereci! Grazas polo piropo e polo interese!!! En canto ás opos, pois non as pasei…É a primeira vez, así que haberá que coller folgos para as seguintes que xa están aí dentro de pouco…

  11. rqtuzyzsto Says:

    kiara knightly nude

  12. pmhqnwzyvw Says:

    [url=http://girlswdxnnpret.tripod.com/tzrls/babes-co-uk-sex-sex-wired.htm]babes co uk sex sex wired[/url]

  13. Nadine Says:

    Hi,
    I have already seen it somethere

    Thanks
    Nadine

  14. Zoran Says:

    Hi,
    Amazing! Not clear for me, how offen you updating your sonhosdedelft.blogaliza.org.

    Have a nice day
    Zoran

  15. Eremeeff Says:

    Greatings,
    Not sure that this is true:), but thanks for a post.

    Thanks
    Eremeeff

  16. Elcorin Says:

    Hi,
    Where are you from? Is it a secret? 🙂

    Thanks
    Elcorin